Bandaríski uppistandarinn, leikarinn og rithöfundurinn Doug Stanhope kemur fram í Háskólabíói í kvöld á Reykjavík Comedy Festival. Hugleikur Dagsson hitar upp.
Doug hefur komið víða við. Hann sá um The Man Show og Girls Gone Wild á Comedy Central og hefur komið fram í þætti Howard Stern, Late Friday á NBC, Spy TV og Floor Show Live á BBC. Tvisvar hefur hann hlotið titilinn „Besti uppistandari ársins“ hjá Time Out í New York.
Sjá einnig: Strigakjaftur til landsins: Doug Stanhope með uppistand á Reykjavík Comedy Festival
Stanhope mætti til landsins í gærkvöldi og byrjaði strax að spá í hversu mikið áfengi hann mátti taka með sér úr fríhöfninni. Í staðinn fyrir að biðja aðstoð starfsfólks spurði hann Björk Guðmundsdóttur á Twitter hvað hann átti til bragðs að taka.
Yo @Bjork arriving Iceland Friday. What r DutyFree limits? Is it 1 liter spirits or 2 liters wine? PS Airport Pick-up?
— Doug Stanhope (@DougStanhope) October 29, 2015
Þá óskaði hann eftir því að söngkonan myndi sækja sig. Þegar þetta er skrifað hefur Björk ekki svarað kalli grínistans.
Þessi frétt Doug Stanhope lentur á Íslandi, bað Björk um að sækja sig á flugvöllinn birtist fyrst á Nútíminn.